بقلم االمبدع .. : الشيخ أسعد رمضان
أمثال شعبية فلسطينية عن الزّيت والزّيتون ، بمناسبة موسم قطف الزّيتون ، كل عام والجميع بألف خير ، ربنا يطرح البركة والخير للجميع :
1- اللي إمُه بالبيت بياكل خُبز وزيت .
2- كُل زيت وناطح الحيط . دليل قوّة وعافية للبدن
3- الخُبز والزّيت سَبعين في البيت .
5- خلّي الزيت بجراره حتى تجي أسعاره .
6- ما حدىٰ بيقول عن زيتُه عِكِر .
7- تقول شجرة الزّيتون : إبعِد أُختي عنّي وخُذ زيتها مِنّي .
8- سيل الزّيتون من سيل كانون . تأخير لقاطه حتى يستفيد أكثر
9- أيّام الزّيت أصبَحت وأمسيت . لقصر النّار
10- في أيلول بيدور الزّيت بالزّيتون .
11- الزّيات ببيّن من ثيابُهو.
12- الزيت الطيّب من الشّجر للحجر . اي مباشرة حتى لا يتخمّر
13- بأيام الزّيت بالكاد المرأة تطبخ وتكنّس البيت . لانها مشغولة
14- إن حَضَر القمح والزّيت إتسوكرت مونة البيت . لأنهما من الأساسيات في مطالب البيت
15- إذا عندي طحين وزيت صفّقت وغنّيت .
16- شجرة الزّيتون مثل ما بدّك منها بدها منّك .
17- الزّيت عامود البيت .
18- أخضر الزّيتون ولا يابس الحطب .
19- الزّيتون زيتُه طيّب بس لقاطُه بشيّب.
20- الزّيت بالعجين ما بيضيع .
21- كُل زيت على الرّيق بتصير أُوتوماتيك . لفائدته الكبيرة
22- عليك بمسبح السّقي ومرصوع البَعل .
23- ما بِيطلَع الزيت إلاّ من كُثر العَصر .
24- زيتنا في طحيننا .
25- الزّيتون النّبالي زيتُه سيّال ولقاطُه بهدّي البال..
26- أقعد ببيتك وغمّس خبزك بزيتك .
منقول بتصرف ،،،،
الشّيخ :أسعد رمضان، نابلس- فلسطين / خادم القرآن الكريم .
تعليقات
إرسال تعليق